موضوع: رد: نهار جمعني بكم المنتدى باسمكم كاملين نفتح التجمع الأربعاء أبريل 02, 2014 11:02 am
ام عبد الرحمن كتب:
السلام عليكم ورحمة الله
اهلا خديديج ان شاء الله تكون بخير ولوليدات
ام صفاء فينك؟
سعاد خسارة ما كنتلقاوش مرة واحدة
المهم خلي موضوع التجويد رابطنا
اهلا ام عبدو كيف بقيتي ، و كيف عامل عبد الرحمان الله يشافيك يارپي و يعافيك و يرزقك الصحه و طول العمر
انا بعد المرات تانكون في الصباح ندخل نطل و ايلا خلاتني بنتي و مابرزطاتنيش تانكتب و الا راه تانخلي الكتابة و التعليق حتى من بعد على حسب الوقت تاني و واش راجلي كاين او لا
موضوع: رد: نهار جمعني بكم المنتدى باسمكم كاملين نفتح التجمع الخميس أبريل 03, 2014 6:54 am
السلام عليكم و رحمه الله و بركاته حبيباتي كيف عاملين و كيف صبحتو ليوم ؟؟ ان شاء الله تكونو بخير يارپ ام عبدو ماعرفتش واش نتي هنا دابة او لا نتي ماكتخرج الاسم ديالك لتحت بحالنا في الاحصائيات و المتواجدون الآن !!
موضوع: رد: نهار جمعني بكم المنتدى باسمكم كاملين نفتح التجمع الخميس أبريل 03, 2014 7:01 am
واخه اخواتي ، ماغاديش نضربها ، عرفت هدا ووقت الفضول و الاكتشاف لكن بعد المرات كاتعصبني مزيآآآآآآآآآآآآآآآان ههههههه مره تانخليها و نقول اعوذ بالله من الشيطان الرجيم ، و نقول مع راسي راه صغيرة و مافاهمة والو ، و مرة تانخاصم عليها ، و بعد المرات قليل جدا تانضربها في يديها ضربة خفيفه لكن هادي غير إيلا رمات ليا الماكلة في الارض جربت معاها نتكلم بشويه و بالعقل و تانشرح ليها هاد السلوك خطأ و ماشي مزيان نرميو الاكل ، و هي كاتقولي صافي ، إيوا غير ندوز من هنا و تجي هي ترمي كلشي هدا لاش تانضربها غير في يديها يعني جهة الكف و خفيف بزاف هي مكاتأثرش فيها و تعاود تاني بحال إيلا مادرت والو !!! المشكل قالت ليك بغات تولي تاكل بوحدها و نخليها و دير مابغات !!!
موضوع: رد: نهار جمعني بكم المنتدى باسمكم كاملين نفتح التجمع الخميس أبريل 03, 2014 7:27 am
ام ياسمين كتب:
واخه اخواتي ، ماغاديش نضربها ، عرفت هدا ووقت الفضول و الاكتشاف لكن بعد المرات كاتعصبني مزيآآآآآآآآآآآآآآآان ههههههه مره تانخليها و نقول اعوذ بالله من الشيطان الرجيم ، و نقول مع راسي راه صغيرة و مافاهمة والو ، و مرة تانخاصم عليها ، و بعد المرات قليل جدا تانضربها في يديها ضربة خفيفه لكن هادي غير إيلا رمات ليا الماكلة في الارض جربت معاها نتكلم بشويه و بالعقل و تانشرح ليها هاد السلوك خطأ و ماشي مزيان نرميو الاكل ، و هي كاتقولي صافي ، إيوا غير ندوز من هنا و تجي هي ترمي كلشي هدا لاش تانضربها غير في يديها يعني جهة الكف و خفيف بزاف هي مكاتأثرش فيها و تعاود تاني بحال إيلا مادرت والو !!! المشكل قالت ليك بغات تولي تاكل بوحدها و نخليها و دير مابغات !!!
طريقة جميلة ورائعة انا استافدت منها وايضا ملي اتوعبت الخطا لقيتو كبير
ملي تخاصمي عليها حاولي ما تعليش صوتك ايضا تكلمي بجية لكن تقرفصي يعني تقردي وتنزلي للطول ديالها وعينيك في عينيها وتكلمي معاها او هزيها فوق شي حاجة عالية وتكون قدك قدها عاد تكلمي معاها
طريقة لها نتيجة ايجابية بالزاف
حنا لجهلنا بالامور كتخاصمي او تغوتي على الولد وانت واقفة وكتحناي عليه كتخلعيه وتخوفيه وتركبي فيه الخوف حتى من الناس الي كبر منو في الحجم وهذا خطا كبير
راه تربية الاولاد كتبدا من سلوكا حنا وتربيتنا حنى لنفوسنا
انا جربتها لقيتو كيسمعني ملي كنخدمها معاه وكيعاندني او يخاف مني الا جربت العادة ديالنا السيئة
اما ملي كتبغي تاكل بوحدها مزيان فرشي مفرش بلاستيك كبير بحال لحصيرة وحطي لها الاكل ديالها وخليها تاكل وتفرتت وتجلخ كيف بغات من بعد بدلي لها حوايجها ونضفيها وهزي كلشي مرة واحدة غادي تلقايها اعتامدات على راسها وتعلمات بسرعة وهادي حاجة مزيانة
الله يخليها لك ويفرحك بها وتخاويها اش ماشي غير هي الي تدير لبسالة تلقى الي يونسها هههههههه
موضوع: رد: نهار جمعني بكم المنتدى باسمكم كاملين نفتح التجمع الخميس أبريل 03, 2014 7:51 am
اللهم آمين اختي ، و يخلي ليك عبدو صحيح بعد المرات تانرفع صوتي بزاف حتى يوصل لجيران ، ولينا نقولو انا و راجلي شي نهار يوقفو علينا البوليس على ازعاج الجيران ههههههههههه لكن ديما ملي نتكلم معاها تانزل لمستوى ديالها ونثني ركبتي على الارض لكن بالمقابل هي تادير بحالي و تقلدني و تني حتى هي رجلها و ركبتها في الارض ههههههه او لا تنكونو چالسين و في مستوى واحد ، يعني ماتنهدرش معاها و نشرح ليها وانا واقفه عليها او كيف قلتي نتحنى عليها و نهز صبعي لا لا ، الحمد لله ديما تانحاول نكون معاها في مستوى واحد و قدي قدها ههههههه ان شاء الله نجرب طريقتك في التعامل و حتى طريقة الاكل و نفرش ليها في الارض إيلا بغات تچلس ليا في الارض ، هي تعلمات دابة تشد الكرسي و بعد المرات تبقى واقفة و ماتبغيش حتى تچلس !! و هدا اصلا إيلا كلات ، اما راه متاكل والو غير دوق و ترميه حتى مابقات تعجبها في الطياب !! ولفات ليا دانون و سقاطة ، إيلا كانت شي حلوة او شكلاط تجري عليها و حتى باها ضسرها و ديما تايعطيها حلوة او شكلاط تايقولي غير خليها ، إيوا غير الصبر و صافي اما راه تلاقاو عليا ههههههه ، و حتى راجلي مامعاونيش عليها ، انا ندير حاجة و هو يخسر ليا كلشي في دقيقة
موضوع: رد: نهار جمعني بكم المنتدى باسمكم كاملين نفتح التجمع الخميس أبريل 03, 2014 10:17 am
فيديوهات جميلة ، جربت دابة مع وقت لغدا خليتها تشوف هاد المقطع ديال لبنت لي كتاكل ، ساعة عوض ماتقلدها و تاكل بحالها هي شدات المعلقة و بغات توكلني انا ههههههههه هي عندي بحال الولد لي في الفيديو 3 ماتشدش الارض نهار كامل هي تجري و تلعب في الخطر ، بحال الضو ، الفران ، و تلعب في الماعن اما الالعاب ديالها راه غير تايتفرجو فينا و شادين بلاصتهم ههههههه
فيديوهات جميلة ، جربت دابة مع وقت لغدا خليتها تشوف هاد المقطع ديال لبنت لي كتاكل ، ساعة عوض ماتقلدها و تاكل بحالها هي شدات المعلقة و بغات توكلني انا ههههههههه هي عندي بحال الولد لي في الفيديو 3 ماتشدش الارض نهار كامل هي تجري و تلعب في الخطر ، بحال الضو ، الفران ، و تلعب في الماعن اما الالعاب ديالها راه غير تايتفرجو فينا و شادين بلاصتهم ههههههه
ردي ليها البال راه الوليدات صعاب فهاد المرحلة و فيما مشات لشي بيت و قطعات الحس تبعيها شوف آش كدير مع الدار كلها مخاطر الله يخليها و يصلحها
سعاد تفكرت ولدي منين بدا الهبيش كانت عندوا تقريبا 3 سنوات نهار ضربة اوطيل فرح في 16 ماي انا في ديك الليلة كاع ماجايبة اخبار كنجري غير في ايرجونس كنت كنصلي العشاء وجاء لعندي لبيت نعاس وحل الماريو وهز عود القطن الاذنين وخشاها في ودنوا وهو يغوت غوتة وحدة عرفتي مشا ما يخرج لي العقل هزيته انا وباه ومشبنا ندوروا بيه في سبيطارات في الليل والليل كامل ما نعس ما نعسنا صباح غير بان الضوء وخديت ليه رونديفوا عند طبيب الاذنين ومني ديته قالي كان قرب للطبلة يثقبها قالي غير تبعي الدواء وما تخافي والو عاد رجعت فيا الروح ومن تما حرمت ندخل عود القطن للدار بصفة نهائية